جربت؟؟؟

أرجوك كفاية ومتقولهاش انا همشي وأبعد من نفسي
وسامحني لو قليت راحتك أو يوم فرضت عليك نفسي
محتاجة اقولك كلمتين......وبجد بعديهم همشي
واعذرني يعني عشان يمكن تسمعني بس متفهمشي
أصل الكلام ده في حجات تتحس متتقالشي
جربت تعمل كل شئ عشان تحبب حد فيك؟؟؟؟
وتلاقي رد بيوجعك باين في كل كلامه ليك؟؟؟
بس انت عايش ع امل يمكن ف مرة يحس بيك؟؟
جربت لما تبصله تلقاه اوام يبعد عنيه؟؟؟؟
وتحس لما تكلمه ان انت حمل تقيل عليه؟؟؟
إحساس محدش يفهمه غير اللي حسه ومر بيه
جربت لما يكون حزين تبقي انت مش قادر تنام؟؟؟
وان حد قال انه اتجرح تلقي الدموع سابقة الكلام؟؟؟
هو يدوب يقول الاااااه وانت الليتحس الالام؟؟؟؟؟
جربت تقبل كل يوم يجرح مشاعرك ويدوس عليك؟؟؟
عمال يحمل قلبك لوم علي كلمة مقدرش يحوشها؟؟؟؟
جرب ألامي وابقي قول هتحس ايه لما تعيشها!!!!